Verso 1: kreator Desde on 2002 ... t uvi nos voz t luta sen dezisti ate data de oje p… firme finkode na txon mik grampode na mon ese underground te plantode ne funde de nha kurason kada vex max mutivode pa kontinua k ese saga katen barera y nen obxtakulu k te po nox te para max k un dekada de luta max k dex on de vangloria pos a pos nese trajetoria ta ruma pa vitoria faze rima konxtrutiva mensajem puzitiva hip-hop nox forma de vida pe moxtrobe umdjor saida ms fam xkundid ne broke batalhao de gereiros uza ese kultura brob de forma max verdader sem importa pa fama ser ultmu o primer max sin kontribui pe evolusao dese muvimente ese kultura te na sange fazel de just sentimente txeka nos istoria k bo te oia no tiv sempre prezente ms fam xkondide ne broke we represent Verso 2: Nigga Raf The saga continius ms fam crazy style the real hip-hop na mic no te prokura mantel allright konxe wisdom dese familia fundide nun so pensamente da nox forsa pese kultura pe defendel k unha y dente pa kritika hip-hop se kalhar ja nao vale a pena te faze du k no te dze te mante verdade sempre em pe lirikalmente ne street no te moxtrob du k… ke no te vive pa tude xforse manxas negras protigid e ment ligod ese rip tita rexpeita tud nos antepasod pa txeu koza ja no pasa ma mural sempre tita kontinua nese longa trajetoria un dia no te vitoria inxpirod materia pur pe xkreve nox profesia k talente y karakter no te xpo nos poezia te prega saga na tempe ese e k nox ideolojia te vive komuflode prop debox de tera enterode armode k papel y kaneta no te preparode pa luta moxtra nox sosiedade k hip-hop e ne so txeputa mensajem puzitive ta progredi pe evolui stis underground nha forma de vida pergunta kex real mcs te marxa pe revolusao ne inxtrumental o ne impruviz Verso 3: Nigga Sne N kerdita k era nha dextine ben pertense a ese familia nha gerilha nha cla pa tude nha vida moda um profesia k tava te ser kumride na tempe dexde linha de partida unide nun so pensamente crazy style ms fam ben surji ex kombatente armode xpada de verdade y realidade de nha pensamente konhesimente no fazele pe sentimente sen pagamente simplixmente pure y tranxparente y saga dese familia fui sempre xkundide ne broke yo flow beat y rima ese dutrina nunka e derubode no te luta pa pol la de sima k autoxtima te elevode n ben onra ese familia k un dia tive min apoiode n te senti orgulhod onrode pe pertense konvense k no te armode y preparode pe vense ne duke no te xkreve k dexkreve ese munde kaneta y papele inxpiram fe ne kada segunde un amor profunde faze nox bem junt nese misao ke dedikasao komprensao forsa y uniao nha relijiao nha familia nha krensa na alegria na trixteza na saude y na doensa Verso 4: Nigga Strong Ese kla ten max ke oite on de karera sempre k seriedade nunka tive tempe pe brinkadera y kerdita k txeu palke txeu evente ja no partisipa ma fama nunka fui nox intensao tumult sin pa no muda ese situasao nox lema sempre fui y sera revolusao nox verse e klore kele mensajen sempre pure te invadi na sosial pulitiku y kultural kada elemente dese grupe man e max un cabral nox inxtinte e animal ken kre prublema ma nox no ten loge solusao abri sex mente pe sex pensamente ka fka en vao k nox e ne deux ma e deux e k te guia nox y se ainda bo ka tinha uvid nox vox komesa apartir de oje k nada bo te perde y bo ten tud pe ganha no mante firme k pe na txon nunka larga nox irmon xperansa konfiansa sempre fe na nos don nox e familia de monte susege pa pove no te kria son nox marxa e en frente rum a revoluson boy Verso 5: Nigga Tom Un alegria enorme konde kontse nox naxsimente no bem ne kriolada pe fortelese ese muvimente hip-hop underground sempre no reprezente n dedika na ele pum ganha max konhesimente dexde inisiu ate agora n tive un so sentimente amor verdadere pa ms fam e para sempre na alegria y difikuldade sempre n tive prezente te akompanha nha kla nese dezenvolvimente ese kla fui nha mae dexde on dox mil y dox ele resebem brose aberte pronte pe apresia nha vox ele inxnam ser fiel ma nhas amige ate oje ele inxnam melodia pum kanta junte ma nhas kumpanher ele dam sabedoria pum moxtra sao sent intere e pur ise ke ese familia ten tude nha rexpeite fka te sabe kun te amobe la de funde de nha peite nunka no da importansia k… pa ganha fama sempre no tive kel paixao ardente kente moda xama moda xama ms fam man

SONCENTE (NE LINHA DFRENT) VERSO 1: Nigga Sne Number one the first numer um ne linha de frent Komandant desse guerrilha cerebro dex ilha e soncent Li e ne kapital ma principal nos e realment Ka bzot negal bzot aceital bzot relembral ne tud mument Tra nos radio i tv ma bzot ka te pode tra nos voz Tenta bzot ka te pode que number one tud vez e nos Kontinua te imita bzot limita ne ser numero dos Ma bzot tem que aceita bzot te fka sempre pe depos Bzot te que gas no te que fos bzot tem panela no tem arroz No soma pe primavera bzot bem ne tchuva de agost Bem levanta mural de nha terra ate fim de guerra no te despost Orgulha esse fuckin pais pe nunka trazel degost Infrenta ex gravata i sex data de impost Paga um taxa pe tv que te pasa o que que te das na gost Sex jornal te eskreve talvez um ter«o de nos pov Faze que bzot faze ma number one sempre e nos Chorx2 Soncent e nos ilha mitika Mas traboi i mens pulitika Hiphop muviment ka meste de kritika Ms fam te klaria que nos força lyrika Verso 2 - Nigga Strong No fui quex ultimo a ser puvuod ma pa deus no fui ben«uod Port grand floresce esse ilha te fornece empregos Divercidad forma de vida um pov chei de talent ne art ne desport Seja quel que for nunka dezisti sempre te espia um koza umdjor Ye klar que nos e dod ne nos festa um ka te li pe estima inveja O que que no katem materialment no tem espiritualment Senti esse vibe nesse ritim quent oia beleza de mindel Oia nos prai de mar ex kre bloquia esse ilha Ma desse manera li cabo verde nunka te sai a ganhar Ex tita faze tud pe minimiza nos influencia No katem um televizao pe divulga nos problema As tra nos nos cinema ex kre paga nos histori Ma cabo verd sem soncent e pratikament inexistent Ou bzot kre ou bzot ka kre no te sempre ne linha de frent Nos e que tem que dos espedient que bem espera pe ex ingrot E moda korre traz de vent bem espera pe ex ingrot e moda korre traz de vent Chorx2 Soncent e nos ilha mitika Mas traboi i mens pulitika Hiphop muviment ka meste de kritika Ms fam te klaria que nos força lyrika Verso 3 - Nigga Raf Esse beleza de port grand e um riqueza elegant Esse e kult dum mindlense transmitid pum autifalant Perant tcheu kontra verssia no te mante triunfant Koza ja volta disvessa ex kre leva quel important Jas leva no cinema ex kre leva nos hospital Ess e korrup«ao de sistema incerid ne mei social No bai te presta aten«ao que esse prublema ta mal Queda de elecricidad te frequent ne nos cidad Ex te da prioridad que la te cirkula kapital Qualidad e essencial kapacidad e principal Inovama mekanismo relativismo kultural Sem etnocentrismo no te li e pe umdjoral Turismo ne kabo verd nos gas e fundamental Ta traze rendiment dezenvolviment pe mei social Ministerio de eduka«ao tita emplementa um dialet Um alfabet pe ex ot ilha ele e inkorreto Verso 4 – NiggaTom Soncent is the first ne linha frent Dix dez ilha bem espaiod ne mei de ocean Abri boka pe fala del e um grnade orgulho e que te afetam Dezempenha papel dum sonvencentin yo papel de underground Mostra voz de nha ilha e alg mut especial Na mei des dez pedra e nos e que de kristal Mostra se brilho se valor pa tud mund inxergal Fala de mindel e fal dum cidad sem igual Beleza de nos port grnad e estremament fenomenal Monte de kara te korda kara vrod pa ceu Ta bdi deus pa aben«oa e soncent no kre tcheu Primer lugar e nos segund lugar tambem e nos Tercer lugar e ne meste de um fala bzot sabe que nos Soncent is the first ne linha de frent Nigga tom te mostrob el atravez de se voz Chorx2 Soncent e nos ilha mitika Mas traboi i mens pulitika Hiphop muviment ka meste de kritika Ms fam te klaria que nos força lyrika

APOKALIPS Verso 1 - Nigga Tom Mund devastod pa akonteciment natural Tcheu lugar prejudicod pe tempestad infernal Guerra tem hom que penssament inrracional Mata ou morre dum forma animal Apocalips ja djga pa tma konta desse mund Devastalao total te provoka dor profund Fome i miseria tem tcheu people que ment flustrod I muta«ao i doen«a te faze part desse xtrog Esse koza te ne fim esse mund tita kaba Padoss por padoss trajedia tita reina Dezesper de popula«ao te oia lugar te ser dezabod Afront de furacao tem tcheu gent dezamparod Terra te treme frequentment dum bokod de lod Casa despadassod pe tsunami ser levod Mnin que arma na mom ja que idea na mal Ta bem desde pequenim que penssament ne ser brutal Te oia guerra ne se frent pe dal volta mental Bomba nuclear tita destrui pov sem konta Pais mas pobre tita vive sobre afronta Akonteciment inesperavel tsunami inparavel Doen«a inkuravel vida instavel no kai ne realidade Que tud ex koza tita kontce e trist sabe Ma esse li e que mund que no ta vive Verso 2 - Nigga Raf Home que sede de evolu«ao te leva esse mund pe destrui«ao Sem respeit pe natureza so que interes ne produ«ao Dezaven«a pa tud banda na afrika ou paquistao Tremor de terra frequente que ex te passa na noticia Street te mas prigos tem gansta te mata plicia Sinal de fim de nos dia via apokalips Esse mund aktual tita gira a baze tecnologia Ciencia e que tita manda ka bo opta pe filozofia Konstru«ao de armas tita evolui kada vez mas Quel senhor pta nos ne mund pe no bem vive na paz Deskrimina«ao pe tud lod sem nenhum ping de umanidade Religiao tita suprimi nos verdade No bai te presta aten«ao sintoniza pe ka ser tarde Ipedemia ja alastrod infetod pa tud parte Tud nos e unidade um tom paquem tont dezigualdade Tcheu crian«a inocent abandonod sem um lar Polui«ao de atmosfera que produt nuklear Aqueciment global te aumenta nivel de mar Autoridade suprem e que tem nos nesse impas Sex interesse tem umanidade te da pe traz Kontrola esse ekonomia vint purcent pe mairioa Quel oitenta purcent te inrriquece ces familia Tud te na prot limp abri oi raciocina Nos dia te kontod bum nada te sobra Verso 3 - Nigga Strong E ne nenhum novidade no te perante o abism Seculo vint i um no te na kriz de modernism A profecia te eskrit apokalipse dum realidade kada vez mas vivid Que basta obcerva u que que tita passa na nos mund E tont guerra pa ganancia dominiu ekonomiko Tont esplora«ao de mom de om pe afrika Milhares de krian«a tita morre de fom Ipedemia te alastra bomba nuklear pe dizima tud om de mapa Ninguem eskapa om te invenenod pe se prob venen Aparencia de sont ma ne verdade e um serpent E ne bazofaria ma quem tita reina e quex pratikant de massonaria Ma justi«a tem que djga um dia pe ilumina esse jog suju Um uvi ex palavra na de jesus que mund torna um frida I esse frida te xei de pux vive a baze de submi«ao Quem te domina quem tem meios de produ«ao Ma lei divina tite bem manifesta i umdjor no prepara Pa pior que mort kont ele djga se vitima ka te senti mas dor Verso 4 - Nigga Sne Esse foi sonho dum profeta foi medonho nha vizao Um oia esse planeta te funda te naufraga ne destrui«ao Devasta«ao guerra fom i korrup«ao eskravidao Um ka oial so ne televizao te present ne oi de nha pov Ne permanent explora«ao evolu«ao traze mund sex konsequencia Um era nuklear de supremacia i konkorrencia Sem konsciencia te despreza nos existencia Ma ne vulencia oje e dificil de adqueri Ganancia i propotencia e sex rezao pe existi Ex diminui oxigenio aumenta dioxido de karbon Tont florestafui destruid p ex konstrui sex plon No te aprocima de final no prezencia ques dia de fim Liga telejornal bo te oia que prop assim Teknologia e nos quia pe perdi«ao No te reduzi nos dia eskravizod pe evolu«ao Mera iluzao tapob vizao moda um eklips Bo te akredita ou nao ne xegada de apokalips Chor x2 – Sams D Oia sinal de temp temporal tsunami dezabament Prepara nos ment que apokalips te na nos frent Oia final de temp tud sinal te mas transparent Leva gent purque apokalipse te marka fim de nos temp

PERSEGUI FELICIDADE Verso 1 - Nigga Orgary Um certo dia bo decidi parti Que um incerteza de sucesso i que um vazio de esperan«a Bo kris paga bo pre«o prezeveran«a pe alcan«a Umtom bo ranka pe estranger pe espia um vida de mudan«a Bo tcha bo terra pe tras tud ques gent que bo te ama Bo ba pum terra longe de mas te dificilment regressa Te trabaia moda um eskravo ne fim de mes nem dnher bo te oia Ta bem que um mom ba log que ot bo tem tont konta pe paga Bo bem espia um vida umdjor ma parce que ele tita piora I bo ka tita da sort na quil que bo tava te espera Bo kontinua te tenta ne espanha italia i fran«a So te luta i luta ma ainda ex ka dob um esperan«a Bo kome«a te penssa no que que ex tava kontob Estranger e sabe pa kaga ex tava prop te enganob Vida de emigrant e extressod um vida prop kanssativ Bo tem que da dur ne tud lod e ne moda ques iludip Coro 1x: Yannick Martins Le larga terra el sei ta bai Sem rumo sem direcção Ela larga família larga sesh fitch Pa ba xpia um dia mdjor Verso 2 - Nigga Russ Um recebe um konvit pe emigra eskundid Que nhas amig konvencid tava dam tud speed Recebem tud dret ex tratam tud dret Diferent lugar nigga bo sabe mesma shit Kond um djga la um oia que koza e ot Um ka podia faze nada sem nha passaport Real totolot ta passa na nha vida Pedassim de papel pode tchop ne mentira Traboi e ne preciz ne dze Katem nem pa ex kantamas mas alguem Dnher facil e que fui nha solu«ao Ma ne vida loka um gasta tud tustao Plicia na porta flustra«ao depos prizao Amizad fols tinha mim mitid ne konfuzao Tabom de converssa moda jam te que mala rmod Yo destin te trassod cabo verde e que nha spot Coro 1x: Yannick Martins Le larga terra el sei ta bai Sem rumo sem direcção Ela larga família larga sesh fitch Pa ba xpia um dia mdjor Verso 3 - Nigga Tom Ta passa difikuldad na mei de ot pov Fka preli te eskonde verdad te kre banka bazof Um data de on ne terra de gent nigga el ba de nov Ma ate agora tud igual ele ka otcha se extof Ex e que ta ba sem pode volta Ma tem quex e que te volta log te desfar«a Oiax preli e diferent de oias pra la Lod de li ex te ezibi prala te conxe kaga Emigra«ao e um solu«ao Ma ex e tcheu e que t imbala bem fund num iluzao Te fala de estranger dum forma elevod Ma li ne cabo verde ex e tud uns quebrod Ex e um data te sofre quel ekravatura Depos pe ele bem te dze que estranger e so sabura Na nigga para quex intchedura Mostra bo lod real ne pe faze pintura Coro 1x: Yannick Martins Le larga terra el sei ta bai Sem rumo sem direcção Ela larga família larga sesh fitch Pa ba xpia um dia mdjor Verso 4 Nigga Blow Sonho dum kaboverdian da se vida um melhoria Fora de quotidian longe de se familia Num terra distant onde que tud tem se press Bo tem que ser triunfant valorizal dal apress Bo te sujeit a ot tip de mund Eskravatura racismo ipokrizia cinismo Postura i civismo te derruba Tud quex barrera e que te parceb pe frent Sem uvi sex axnera guiod pum sentiment E tcheu sakrificio ne terrra de gent Te trabaia dur i suod sem pode volta Te leva um vida extressod sem pode dskanssa Emigre e ne facil mas dificil e estod pra la Bo e que tem que ser fort pa bo mante kalmod Porque se nao bo te kaba por ser deportod Agora tma kuidod nigga tma kuidod Coro 1x: Yannick Martins Le larga terra el sei ta bai Sem rumo sem direcção Ela larga família larga sesh fitch Pa ba xpia um dia mdjor